Presidenti Ilir Meta, nëpërmjet një statusi në rrjete sociale, thotë se largimi i të rinjve nga vendi është një plagë e madhe.
Kreu i shtetit thekson se një tjetër institucion prestigjoz, (Instituti për Studime Ekonomike Ndërkombëtare i Vjenës), bën me dije se fenomeni i shpopullimit në Shqipëri gjatë viteve të fundit, është përkeqësuar, sidomos me largimin e grupmoshave 20-24 vjeç.
“Studimi vëren se nga 105 mijë qytetarë që ikin nga Shqipëria, 40,700 persona janë të arsimuar ose 40 për qind e totalit.
Largimi i trurit dhe i forcave të reja dhe më krijuese të shoqërisë duhet ndalur sa më parë.”-shkruan Presidenti Meta.
Më tej, Meta thotë se të rinjve u duhet ofruar shpresë, alternativa edukimi dhe punësimi, ndërsa shton se koha për të ndalur shpopullimin është tani.
Statusi i plotë i Presidentit Meta
Largimi i trurit dhe i rinisë është një plagë e madhe për vendin.
Një tjetër institucion prestigjoz, Instituti për Studime Ekonomike Ndërkombëtare i Vjenës, bën me dije se fenomeni i shpopullimit në Shqipëri, gjatë viteve të fundit është përkeqësuar sidomos me largimin e grupmoshave 20-24 vjeç.
Studimi vëren se nga 105 mijë qytetarë që ikin nga Shqipëria, 40,700 persona janë të arsimuar ose 40 për qind e totalit.
Largimi i trurit dhe i forcave të reja dhe më krijuese të shoqërisë duhet ndalur sa më parë.
Të rinjve tanë u duhen ofruar më shumë shpresë, alternativa edukimi dhe punësimi, ndërsa të arsimuarve më shumë shanse të barabarta, vlerësim meritokracie dhe vende pune, ku të shfaqin talentin dhe potencialin e tyre intelektual.
Shqipëria ka nevojë për “brain gain” dhe jo “brain drain”!
KOHA PËR TË NDALUR SHPOPULLIMIN ËSHTË TANI! 🇦🇱
