Largim apo rinovim me Partizanin? “I njëjti film, e njëjta histori” me Jasir Asanin

Jasir Asani është një nga emrat e përmendur shpesh në medie jo vetëm për performancën në fushën e blertë, por edhe shpesh për klubet e pretenduara se kanë bërë ofertë në drejtim të mëngjërashit. 25-vjeçarit i përfundon kontrata me Partizanin në fund të këtij sezoni futbollistik dhe ende nuk ka ardhur një marrëveshje për të rinovuar.

Në këto kushte ai mund të largohet me parametra 0 nga kryeqytetasit, situatë që padyshim do të linte shije të keqe te “demat”. Ditët e fundit është spekuluar për disa oferta në drejtim të lojtarit. Ashtu përlitej edhe në dimër për një ofertë në tryezë nga AIK-u për futbollistin, por në fund suedezët e përgënjeshtruan një lajm të tillë.

LEXO EDHE  Asistoi te goli i kolumbianit, Balliu mahnitet nga Falcao: Mjafton t’ia hedhësh topin në zonë

Ai vijon të jetë pjesë e Partizanit edhe në këtë sezon futbollistik duke dhënë kontributin e tij sa herë trajneri Ilir Daja e ka në plane. Pritet me interes të shihet fundi i këtij edicioni për të konfirmuar ose jo aludimet për ofertat e mundshme të Asanit. Askush s’i vë në diskutim cilësitë e tij tekniko-taktike, por vetëm në vendin tonë pasi jashtë Shqipërisë 25-vjeçari s’ka mundur të tregojë vlerat e tij.