Covid/ Turqia nis testimin e një vaksine intranazale

Turqia po përgatitet të fillojë testimin e një vaksine intranazale anti-Covid, deklaroi ministri i Industrisë dhe Teknologjisë, Mustafa Varank.

Varank raportoi se ”shkencëtarët e kompanisë së specializuar në nanoteknologji ‘Nanographs’ kanë përfunduar me sukses fazat paraklinike të zhvillimit të një spray për hundën që synon të sigurojë imunitet nga koronavirusi”.

”Kjo vaksinë mund të rimodelohet në të ardhmen në rast të mutacioneve”, shtoi ministri duke përuruar një fabrikë të re të kompanisë në Ankara.

LEXO EDHE  Zbulohen prapaskenat/ SHBA kishte bërë marrëveshje me talebanët, ja kush e prishi planin

”Faza e parë e provës së vaksinës spray do të fillojë në shkurt”, shpjegoi Varank duke siguruar që qëllimi është për të filluar administrimin masiv brenda vitit.