Breshëri armësh janë dëgjuar rreth orës 18:50 minuta në fshatin Ferras të Divjakës.
Lajmi konfirmohet nga burime zyrtare të policisë lokale. Sipas tyre, një person ka qëlluar me armë në ajër dhe është larguar.
Deri më tani nuk është kapur.
Policia Divjakë/ Informacion paraprak
Sot rreth orës 18:50, në fshatin Ferras, Divjakë, dyshohet se një person ende i paidentifikuar ka qëlluar njëherë në ajër me armë zjarri.
Në vendngjarje ndodhet grupi hetimor dhe po punon për zbardhjen e plotë të kësaj ngjarje.
Shërbimet e Policisë po krehin zonën me qëllim kapjen e personit që dyshohet se ka qëlluar me armë zjarri.
