Prej më shumë se 6 orësh forcat zjarrfikëse po mundohen të mbajnë në kontroll zjarrin që përfshiu një magazinë të qendrës tregtare Caza Italia, e cila ndodhet te mbikalimi i Kamzës në Tiranë.
Nga raportimet mësohet se zjarrfikësit kanë tentuar të futen për të bërë të mundur shuarjen dhe nxjerrjen jashtë të një prej punonjësve, i cili ka hyrë fillimisht për të nxjerrë punonjësit e tjerë dhe është bllokuar brenda.
Deri më tani ende nuk ka asnjë shenjë nga Arjan Sala, i cili është shefi rojeve të sigurisë dhe prej disa orësh ndodhet në ambientet e bodrumit të magazinës.
Nga ana tjetër shërbimet zjarrfikëse janë munduar që flakët të mos dalin jashtë kontrollit në ambiente të tjera.
Ndërkohë që vatra është aktive, shkak i rënies së zjarrit dyshohet të jetë bërë një shkëndije elektrike. Megjithatë, vijojnë hetimet për zbardhjen e plotë.
