Organizatat kriminale të përbera nga shqiptarët e që funskionojnë në shtetet e Bashkimit Europian qarkullojnë rreth 1 miliard euro si para të fituara nga aktivitetet e paligjshme.
“Paratë që organizatat kriminale, të cilat kanë lidhje me Shqipërinë dhe që i dërgojnë në vendet e BE janë të shumta, janë mbi 1 miliard euro. Duhet të mbështesim të gjitha institucionet që të luftojnë krimin e organizuar.”
Deklarata e fortë u bë ditën e sotme nga ambasadori i Spanjës në Tiranës Marcos Alonso gjatë fjalës së tij në projektin e financuar nga BE për luftën kundër krimit të organizuar.
Kur jemi në prag të zgjedhjeve parlamentare të 25 Prillit, diplomati spanjoll nuk i kurseu disa këshilla:
“Këto zgjedhje janë shumë të rëndësishme për të ardhmen e Shqipërisë dhe për të ardhmen tuaj në Bashkimin Evropian. Këto zgjedhje duhet të tregojnë pjekurinë e arritur të demokracisë shqiptare.”
I pranishëm në aktivitet ishin edhe ambasadori i Bashkimit Europian, Luigi Soreca, i cili u shpreh i gatshëm për të ndihmuar institucionet shqiptare në luftën kundër krimit të organizuar.
Sipas tij, “lufta kundër krimit të organizuar është prioritet kyp për afrimin e Shqipërisë me BE”.
