Vijojnë përplasjet mes socialistëve në Qarkun e Vlorës.
Kështu pas incidentit të ndodhur një ditë më parë në fshatin Çukë të Sarandës ku një militant u nxorr forcërisht jashtë takimit me ministren Anila Denaj, e cila është kandidate e PS-së në qarkun e Vlorës, sot një tjetër emër i njohur në rradhët e socialistëve është larguar si drejtues fushate.
Bëhet fjalë për Erjon Dhroson, i cili drejtonte një prej shtabeve elektorale të Rilindjes në Bashkinë e Sarandës, dhe njëkohësisht ishte edhe drejtor i spitalit në këtë qytet.
Boldnews.al mësoi se Dhroso ishte një nga kritikët e Denajt dhe është larguar nga funksionet si drejtues i një prej shtabeve elektorale. Por s´ka mjaftuar vetëm kjo. Ai është shkarkuar edhe si drejtor i spitalit të Sarandës, në të njëjtën ditë me largimin si drejtues shtabi elektoral.
Dhe në vendimin e dytë, prat ë largimit nga funksionet shtetërore duket se ka ndikuar edhe incidenti që Dhroso ka pasur pak ditë më parë me ish-vjehrrën e tij. Nga raportimet mediatike, Dhroso kishte dhunuar ish-vjehrrën pas një debati verbal.
Incidenti në fjalë mund të mos ndikonte aspak në vijimin e punës së Dhrosos si drejtor spitali, nëse ai nbuk do të ishte pjesë e një klani brenda Partisë Socialiste, kundërshtar me ministren e Financave, Anila Denaj.
Duket se përplasjet në rradhët e Rilindjes në Qarkun e Vlorës, veçanërisht në Sarandë nuk do të mungojnë deri në ditën e zgjedhjeve.
