Zv/ministri i Brendshëm Juljan Hodaj i ftuar në ‘Open’ foli për ngjarjet e fundit që kanë tronditur Durrësin.
Teksa pranoi situatën e rëndë dhe faktin se policia ende s’ka një komunikatë për ngjarjet e fundit, tha se duhet kohë për të zbardhur plotësisht ngjarjet dhe se ai nuk mund të flasë për pistat e hetimit.
Për Hodajn përplasjet janë bërë për ndarje territoresh dhe përpjekje për të ruajtur klanet.
Ndonëse pranoi se vrasjet janë përpjekje mes grupeve rivale, Hodaj pranoi gjithashtu se të gjitha vrasjet bëhen për interesa financiare dhe se këtë gjë do e nxjerrë më në pah hetimi. Hodaj tha gjithashtu se çdo pistë mbetet në këmbë. Personazhi tha Hodaj, duke iu referuar Edmond Koçit nuk është i panjohur dhe duhet kohë.
Ngjarja e fundit tregon se në Durrës janë aktualisht të paktën dy vrasje kriminale. Edmond Koçi njihet si mik i ngushtë i Plaurent Dervishaj, i cili i vra më herët.
‘Unë nuk hamendësojë dot. Ka një të vërtetë hetimore dhe një të vërtetë gjyqësore. Është e paimagjinueshme që një polic dhe një prokuror të flasë si ne. Ai duhet ta mbështes hetimin. Durrësi nuk është një realitet qç zbulohet sot. Ku ka interesa financiare, përplasjet janë të pashmangshme.”, tha Hodaj.
