Këngëtarja Fjolla Morina, ka vendosur që të flasë për herë të parë për median, që pas arratisjes nga banesa në Kukës, aty ku po vuante dënimin e saj “Arrest shtëpie”.
Kujtojmë se ajo është e akuzuar për “Trafik armësh” dhe u largua nga shtëpia ku qëndroi 4 muaj drejt Kosovës. Edhe pse ishte në arrati, Fjolla arriti që të udhëtonte në vende të ndryshme, përfshirë Dubai dhe Maldive.
Madje në destinacionin e fundit, ajo kurorëzoi në martesë dashurinë e saj me biznesmenin, Fisnik Syla. Morina ka dhënë së fundmi një intervistë ku ka dhënë më shumë detaje në lidhje me jetën e saj gjatë kësaj periudhe.
Këngëtarja ka treguar se në banesë qëndroi gjatë gjithë periudhës me partnerin e saj. Ajo ka shtuar se ditën kur policia i shkoi në shtëpi për të kontrolluar nëse ishte aty, kishte shkuar në spital pasi vuante nga depresioni. Më pas Morina theksoi se kur mësoi se uniformat blu kishin shkuar në banesë, u frikësua dhe u largua në Kosovë.
“Në Kukës kam qëndruar me Fisnikun, nuk më ka lënë vetëm asnjë moment, fëmijët më kanë ardhur atje por jo shpesh sepse kushtet nuk ishin shumë të mira. Ishte ftohtë, u bënë 4 muaj dhe vajza e vogël filloi të dobësohej, ishte në spital. Më shumë kam kënaqur me Fisnikun në Kukës. Nuk kam frikë prej asgjëje, atë ditë policia ka shkuar në shtëpi dhe unë isha në spital se vuaj nga depresioni, i kam letrat e spitalit. Kur nuk më kanë gjetur, kisha frikë të kthehesha se nuk e dija çfarë më ndodhte. Ndaj nga Kukësi erdha në shtëpi, unë do përballem me gjyqin, s’do i iki drejtësisë,”– tregoi ajo në emisionin “n’Kosove Show”, ku ishte ftuar së bashku me biznesmenin. Këngëtarja tha se nuk do i iki drejtësisë por do të përballet me të.
Fjolla gjithashtu u shpreh se arma që iu gjend në çantë ishte e një miku të saj që kishte ndërruar jetë dhe e mbante për vetëmbrojtje, pasi ishte nënë e vetme e dy vajzave. Ajo theksoi se nuk e dinte që armën e kishte marrë me vete, pasi kishte harruar që e kishte vendosur në çantë.
