Pedagogu i njohur dhe kandidati për deputet i PD, në qarkun e Lezhës, Agron Gjekmarkaj, ka postuar në rrjete sociale, një fotografi ku shihet nën shoqërinë e kryedemokratit Lulzim Basha dhe dy shkrimtarëve, Preç Zogaj dhe Pashk Përvathi.
Fotografia që daton rreth dy vite më parë është publikuar në rrjete sociale nga vetë, Gjekmarkaj, i cili shkruan:
“Vite më parë me z.Lulzim Basha përkundruall Lezhës dhe me dy intelektual të shquar lezhjanë. Shkrimtarin z.Preç Zogaj, krenaria e letersisë bashkëkohore shqipe dhe z.Pashk Përvathi, poetin e peisazhit shqiptar, mjeshtër i padiskutueshëm”.
Kujtojmë se PD ia ka besuar qarkun e Lezhës dy pedagogëve, Agron Gjermarkajt dhe Mark Markut të cilët do të kenë përballë tyre Lindita Nikollën, e cila do të përfaqësojë Partinë Socialiste.
