Një grabitje ka ndodhur në një banesë në Nartë të qytetit të Vlorës. Mësohet se në këtë banesë jetonte një e moshuar 85-vjeç e quajtur Varvara Papa.
Ngjarja raportohet të ketë ndodhur gjatë mëngjesit të sotëm. E moshuara jetonte e vetme, ndërsa në banesën e saj kanë hyrë dy persona, që pasi e kanë lidhur të moshuarën kanë kontrolluar për të gjetur sende të çmuara ose para.
E moshuara thotë se nuk ka pasur para, madje as pensionin nuk e kishte marrë. Policia ka shkuar në vendin e ngjarjes dhe ka nisur hetimet.
