Në kuadrin e fushatës për zgjedhjet e 25 prillit, kandidatja e PD-së për deputete në Qarkun e Tiranës, Jorida Tabaku, zhvilloi një takim me familjet e vjetra, ku theksoi se Edi Rama promovon antivlerat ndaj evokon Enver Hoxhën.
Në qendër të vëmendjes të këtyre familjeve ishte humbja e vlerës së pronës dhe akoma më keq abuzimi i qeverisë me procesit të kompensimit të pronës.
Ndërkohë që vendi vuan pasojat e një pandemie të keqmanxhuar qytetarët u shprehën për mungesën e një shëndetësie të niveleve normale.
“Ne kemi mjekësinë dhe mjekësia është problem i madh. A do rrimë Akoma me Vilma Nushin ti japim koncensione Vilmës?” u shpreh një prej bashkëbiseduesve i cili evidentoi problemet e shëndetësisë që janë shtuar vit pas viti që nga 20136.
Koncesionet sipas tij kanë sjellë një përkeqësim të çdo shërbimi që fare mirë qeveria mund ta ofronte vetë nga taksat e qytetarëve.
Tabaku u shpreh se për të gjitha këto shqetësime Plani qeverisës i PD ka një alternativë të qartë dhe me një faturë nga pas. Ajo evidentoi se si Rama ka shkatërruar vlerat e një shoqërie dhe këtë e thellon edhe më tej kur evokon edhe regjimin komunist si një regjim me të mirat e kohës.
“Sot po glorifikohet, po i jepet vlerë atyre që duhet të ishin antivlera. Pa u njohur krimet e komunizmit dhe pa u respektuar vlera e atyre që kanë kaluar jetën nëpër burgje, familjeve që janë internuar , unë nuk besoj që ne, pa njohur historinë, nuk besoj që mund të ecim përpara. Po të flasësh për Enver Hoxhën me nostalgji dhe që ka vlera pozitive, është e tmerrshme. 50 vite skllavërim, 50 vite vrasje, vdekje nëpër burgje dhe ne nuk duhet ta harrojmë këtë dhe unë e kam angazhim nga të parët e mi, siç e keni ju nga familjet tuaja që ne ti japim vendin që i takon në histori dhe ti njohim ato krime.” U shpreh Tabaku në fund të takimit”, tha Tabaku.
