Janë mbyllur pjesët e para të dy takimeve të mbrëmjes, të vlefshme për fazën e 1/16-ve të Ligës së Kampioneve.
Man.City kryeson 2-0 ndaj Monchegladbach, në ndeshjen që luhet në fushë neutrale në stadiumin “Puskás Aréna” të Budapestit. Skuadrës angleze i kanë mjaftuar vetëm 12 minuta për të gjetur golin e epërsisë me anë të Kevin de Bruyne. Belgu ka kaluar në avantazh skuadrën e tij me një gol të mrekullueshëm me të majtën, që nuk është këmba e tij e preferuar.
Gjashtë minuta më mbrapa ka ardhur edhe goli i dytë për vendasit i shënuar nga Gundogan. Ndeshja e parë mes skuadrave ka përfunduar 2-0 në favor të skuadrës së Guardiolës.
Edhe Real Madrid ka marrë epërsinë ndaj Atalantës. Ka mjaftuar një gafë e portierit Sportiello i cili në tentativë për të pasur me këmbë për shokun e ekipit ia ka dhuruar topin Modric që menjëherë e ka shndërruar në asist për Benzema i cili si një penallti e lëvizshme nuk ka falur.
https://streamable.com/etn1gm
https://streamable.com/k1lrqi
https://streamable.com/lqvo24
