Ish-Kryeministri Sali Berisha deklaroi sot në një intervistë televizive se vaksinat që po bëhen në Shqipëri janë elektorale. Berisha e konsideroi Kryeministrin Edi Rama si një injorant që nuk merr vesh fare nga mjeksësia.
Lidhur me vaksinat e AstraZeneca, Berisha tha se nuk bëhet fjalë për një lot, sikundër shprehet Kryeministri Edi Rama, por me vetë vaksinën.
“Nëse do të bëhej fjalë për një lot, do të shprehej vetë kompania, por skemi të bëjmë me një lot por me vetë vaksinën e AstraZeneca, e cila është pezulluar në 9 vende të BE”, tha Berisha.
Sipas tij, gjatë qeverisjes së PD ka pasur një ligj lidhur me medikamentet, i cili nuk lejonte që ilacet apo vaksinat që nuk përdoreshin në hapësirën e BE të përdoreshin në Shqipëri.
“Nuk kam asgjë me vaksinat ruse apo kineze, unë si Sali Berisha mund t´i bëj në çdo moment, por s´mund t´i eksperimentoja te shqiptarët. Le të marrin certifikimet nga EMA dhe FDA dhe mund të përdoren pa asnjë problem”, tha Berisha.
