Ish-deputeti i PS, Taulant Dedja, në një status në rrjetion social Facebook, ka dalë hapur kundër ish-liderit të partisë së tij Edi Rama, ndërsa me tone mjaft dashamirëse ka shkruajtur për rrugën e gjatë që ka përshkruar ish- kryeministri Berisha, duke numëruar edhe një sërë punësh të mëdha që ka bërë për Shqipërinë.
Ndërsa na ndajnë më pak se 40 ditë nga zgjedhjet e 25 prillit, Dedja me anë të këtij statusi kërkon të tregojë se rruga e drejtë për të kthyer historinë politike në vend është opozita e bashkuar. Ai i quan pallavra çdo akuzë që hidhet kundër ish-kryeministrit Sali Berisha dhe i fton të gjithë që mund të flasin vetëm kur dikush tjetër të bëjë më shumë se Sali Berisha.
“Dr. Berisha përmbysi diktaturën, bëri rrugën e Kombit, solli lëvizjen e lirë në Europë dhe futi Shqipërinë në NATO. Të tjerat janë pallavra. Kur të bëjë dikush tjetër më shumë pastaj flisni për Doktorin!”, shkruan Dedja, i cili duket qartë se kundërshton këdo që shkruan dhe flet kundër doctor Sali Berishës.”
Taulant Dedja edhe më herët i është bashkuar kauzave të opozitës dhe atyre të hedhura nga presidenti i vendit Ilir Meta.
Një vit më parë Dedja, bëri thirrje të gjithë qytetarëve që t’i bashkoheshin manifestimit të presidentit duke shkruajtur se vetëm në këtë mënyrë do të ndalnin shpopullimi ne vendit.
