Policia e Tiranës ka shpallur në kërkim 6 persona që dyshohet se kanë qëlluar me sende të forta një 27 vjeçar. Ngjarja ka ndodhur ditën e djeshme në rrugën Pandi Dardha, ku pas një konflikti të çastit 6 personat goditën me sende të forta shtetasin A.D, 27 vjeç, i dënuar më parë për prodhim dhe shitje narkotikësh.
“Më datë 13.03.2021, u referuan materialet në Prokurorinë pranë Gjykatës së Shkallës Parë Tiranë dhe punohet për kapjen e shtetasve S. K., 38 vjeç, E. M., 37 vjeç, N. L., 26 vjeç, A. K., 28 vjeç, F. M., 33 vjeç, dhe Gj. N., 35 vjeç, pasi ditën e djeshme në rrugën “Pandi Dardha”, pasi një konflikti për motive të dobëta, kanë goditur me sende të forta shtetasin A. D., 27 vjeç, i dënuar më parë për veprën penale “Prodhimi dhe shitja e narkotikëve”.
Materialet i kaluan Prokurorisë së Rrethit Gjyqësor Tiranë, për veprime të mëtejshme”, njofton policia.
