Java e dytë e muajit mars ka sjellë një ulje të ndjeshme të rasteve me koronavirus, por edhe fataliteteve.
E ndërsa në javën e parë rastet ditore ishin nga 764 deri në 892 raste brenda 24 orëve, nga 8 marsi deri në 13 mars shifrat kanë qenë të qëndrueshme, poshtë 700 infeksioneve në ditë.
Gjithashtu edhe numri i vdekjeve ka pësuar ulje. Në javën e kaluar ishin 141 viktima për 7 ditë, ndërsa nga e hëna në të shtunë janë regjistruar 91 humbje jete. Sot u shënuan 698 raste me koronavirus dhe 12 humbje jete, raporton Abcnews.al.
Ulja e rasteve ka hequr nga tavolina e ekspertëve, të paktën për momentin skenarin për shtrëngim të mëtejshëm të masave kundër koronavirusit.
Java e parë e marsit
1 mars-2714 testime, 764 raste të reja dhe 20 humbje jete
2 mars-3369 testime, 892 raste të reja dhe 19 humbje jete
3 mars-3369 testime, 892 raste të reja dhe 19 humbje jete
4 mars-3149 testime, 851 raste të reja dhe 21 humbje jete
5 mars-3268 testime, 847 raste të reja dhe 20 humbje jete
6 mars-3308 testime, 777 raste të reja dhe 21 humbje jete
7 mars-3372 testime, 819 raste të reja dhe 21 humbje jete
Java e dytë e marsit
8 mars-2708 testime, 683 raste të reja dhe 17 humbje jete
9 mars-3197 testime, 629 raste të reja dhe 13 humbje jete
10 mars-3035 testime, 631 raste të reja dhe 17 humbje jete
11 mars-3077 testime, 602 raste të reja dhe 16 humbje jete
12 mars-3340 testime, 681 raste të reja dhe 16 humbje jete
13 mars-3463 testime, 698 raste të reja dhe 12 humbje jete /abcnews/
