Maqedonia e Veriut ka njohur ditë te fundit një rritje të ndjeshme të rasteve të reja me COVID-19 por edhe të rasteve fatale. Gjatë 24 orëve të fundit, vendi fqinj numëron 868 qytetarë të infektuar.
Ndërkohë ditën e fundit kanë ndërruar jetë 15 persona, 5 pacientë nga Shkupi (86, 81, 72, 71, 64 vjeç), nga 2 pacientë nga Tetova (72, 59 vjeç) dhe Ohri (78, 57 vjeç), dhe 1 pacient nga Prilepi (80 vjeç), Kumanovë ( 71 vjeç), Shtip (64 vjeç), Kavadar (65 vjeç), Manastir (73 vjeç) dhe Negotinë (74 vjeç). Të gjithë pacientët kanë ndërruar jetë në kushte spitalore.
RMV deri më tani, numëron mbi 111 mijë persona të prekur nga COVID-19, mes të cilëve 3280 persona kanë ndërruar jetë.
Prej të prekurve mbi 96 mijë persona janë shëruar ndërsa nga tjetër gati 11 mijë mbeten raste aktive.
