Kryeministri Edi Rama, njëherazi Kryetar i PS, tha se për të përballuar atë që e konsideroi si ndeshjen e 25 prillit, kemi një strategji dhe një qasje të re.
Rama tha se “unë, Gramoz Ruçi apo Pandeli Majko që renditet i 19 në Tiranë, nuk kemi pse të jemi në krye të listave, por duhet të jemi te objektivi. Secili nga ne ndodhet në renditjen ku kemi objektivin”. Referuar shpjegimit që dha Rama për objektivin për fitimin e 19 mandateve në Tiranë, atëherë renditja e Mimi Kodhelit dhe Fatmir Xhafajt në vendet 21 dhe 23 të listës, tregon se ato janë vendosur qëllimisht nga Rama për të mbetur jashtë Parlamentit të pas 25 prillit.
“Ne nuk po shkojmë para popullit për të bërë një panair të statujave dhe vazove. Ne nuk kemi nevojë të presim që të na marri populli me shkelma si një forcë e plakur, secili ndodhet aty ku është vendi i tij”, tha Rama.
