Kryeministri Edi Rama ka vijuar të ironizojë listën e kandidatëve të PD-së.
“Si mundet që në listat e PD të jetë në Tiranë, Vangjel Dule, për çfarë e kanë vënë në Tiranë Vangjelin? Si mundet që në listat e Tiranës, PD të kandidojë Shpëtim Idrizin apo Mesila Dodën? Po Dash Shehin për çfarë e kanë vënë, apo për faqoren e rakisë”, tha Rama.
I pyetur për afrimin e Nasip Naços, Halit Valterit apo Ylli Shehut, Rama tha se këto nuk janë llumi i LSI.
“Me Nasip Naçon kam punuar dhe kemi pasur marrëdhënie shumë korrekte ai si ministër i Drejtësisë dhe unë si Kryeministër.
Ylli Shehu u vendos për të kontribuar për fitoren e skuadrës. Ai ka votat e tij në komunitetin kuksian, është një djalë normal. Kur Shehi ka pirë liqenin e parë me raki, Ylli Shehu atëherë ka lindur. Unë se kam fare me atë qe Shehi pi raki, por ai ka mendjen e dehur”, tha Rama në Real Story.
Rama nuk dha shpjegime kur u pyet sepse përfshiu në listat e kandidatëve të PS në Tiranë djalin e ish-deputetit Aqif Rakipi, i cili la mandatin e ligjvënësit pvr shkak të ligjit të dekriminalizimit.
