Të shtëna me armë zjarri janë regjistruar mbrëmjen e sotme në Vlorë. Burime bëjnë me dije për ABC se ngjarja ka ndodhur para një lokali pranë shkollës “24 Maji”, ndërsa deri më tani nuk raportohet për persona të lënduar.
Mësohet se disa persona janë konfliktuar me njëri-tjetrin dhe sherri mes tyre është përshkallëzuar deri në përdorimin e armës. Në vendin ku ka ndodhur ngjarja ka edhe karrige të thyera që dyshohet të jenë përdorur nga personat që janë përfshirë në konflikt
Policia ka mbërritur në zonë dhe po punon për zbardhjen e rrethanave të ngjarjes si dhe kapjen e personave të përfshirë në sherr. /abcnews.al/
