Forcat zjarrfikëse kanë mundur të futen në shtëpinë e djegur në Berat duke nxjerrë trupin pa jetë të Jovan Vangjelit, i cili humbi jetën pas zjarrit të rënë pak pas mesnatës së djeshme në Berat.
Vijon puna për gjetjen e dy trupave të tjerë që dyshohet se kanë qenë në shtëpi në momentin e rënies së zjarrit.
Vëllai i viktimës theksoi se nuk kanë ende dijeni se si mund të jetë shkaktuar zjarri në banesë, ndërsa dyshojnë tek një rezistencë për ngrohje që mbahej ndezur nga banorët.
“Jemi njoftuar se zjarri ka rënë pak pas mesnate. Këtu e kemi gjetur vetëm flakë. Na thanë që brenda në banesës kanë qenë tre veta, Jovani, Mateo dhe një shoku i Mateos. Kishin një rezistencë që gatuanin. Dyshoj që mund të jetë shkaktuar nga ajo rezistenca”, shprehet ai.
Njoftimi
Në vijim të informacionit paraprak të dhënë në orët e para të mëngjesit të sotëm në lidhje me zjarrin që ka rënë në disa banesa në lagjen “Muzakaj”, ju informojmë se:
Në vijim të veprimeve hetimore të kryera nga grupi hetimor, gjatë këqyrjes së vendit të ngjarjes është gjetur një trup i djegur, i cili dyshohet se është J. V., 61 vjeç.
Trupi i pajetë u dërgua në morgun e Spitalit Rajonal Berat.
Vijon puna intensive nga grupi hetimor, për zbardhjen e plotë të ngjarjes dhe përcaktimin e shkakut të rënies së zjarrit.
