Kategoria e Parë/ Korabi befason Besëlidhjen, Erzeni i jep leksion Partizanit B

Festojnë Korabi dhe Erzeni, skuadra që kanë triumfuar jashtë fushe dhe përforcojnë pozitat e tyre në klasifikim. Dibranët mposhtën Besëlidhjen në fund, me një gol të Taulant Markut dhe mund të pretendojnë edhe për vendin e dytë.

Besëlidhja nga ana tjetër përfshihet në vorbullën e skuadrave që luftojnë për mbijetesë. Erzeni gjithashtu vijon me serinë e rezultateve të mira dhe me shumë mundësi do ta mbyllë në katër ekipet e kreut.

Shijakasit mposhtën 3-0 Partizanin B, që për më shumë se një orë luajtën me një lojtar më pak për shkak se Franci Lala u ndëshkua me karton të kuq. Ky duel u zhbllokua në fundin e pjesës së parë.

Karaj realizoi me penallti dhe e çoi Erzenin në pushim në epërsi. Më pas Troplini shënoi golin e qetësisë, kurse Hima i vuri vulën kësaj përballjeje.

Kategoria e Parë, Java 14:

Besëlidhja-Korabi 0-1

Partizani B-Erzeni 0-3