Komisioni i Pavarur i Kualifikimit vendosi konfirmimin në detyrë të prokurores së Prokurorisë së Tiranës, Ledina Riza.
Komisioni i Pavarur i Kualifikimit, KPK shpalli të premten vendimin e konfirmimit në detyrë për prokuroren e Tiranës, Ledina Riza.
Gjatë seancës dëgjimore të mërkurën, prokurorja Ledina Riza u pyet dhe dha shpjegime mbi burimet financiare për krijimin e disa depozitave bankare. Përveç pikëpyetjeve mbi burimet financiare të likujditeteve bankare, Komisioni i Pavarur i Kualifikimit nuk gjeti probleme të tjera të pasurisë, figurës dhe profesionalizmit.
Trupa gjyqësore që kreu procesin e vetingut për prokuroren Riza kryesohet nga Suela Zhegu, me relator Lulzim Hamitajn dhe anëtare Etleda Çiftjan, raporton BIRN.
Ledina Riza e ka filluar karrierën në sistemin e drejtësisë në vitin 1998 si prokurore në zyrën e Prokurorit të Përgjithshëm. Prej vitit 2007, ajo e ushtron funksionin në Prokurorinë e Rrethit Tiranë.
DENONCO