FIFA ndryshon rregulloren e faulleve brenda zonës, nga 1 korriku këto raste nuk do të konsiderohen penallti

Penalltitë janë një element mjaft i rëndësishëm në një ndeshje futbolli teksa mund të përcaktojnë fatet e sfidës. Shpeshherë 11-metërshat e akorduara nga arbitrat kthehen në mollë sherri mes ekipeve të cilat e interpretojnë rregulloren sipas interesave të tyre.

Klubet kanë dërguar ankesa të shumta federatave të tyre dhe për këtë arsye FIFA ka vendosur të ndryshojë rregullat e prekjes me dorë të topit në zonë.

Nuk do të jetë penallti çdo prekje topi me dorë, përveç rasteve kur hapja e krahut është e qëllimshme. Do të jetë arbitri ai i cili do ta gjykojë sërish rastin, por të paktën ankesat e shumë ekipeve nuk shkuan në vesh të shurdhër.

Rregullorja do të zbatohet duke filluar nga 1 korriku i këtij viti.