“Afera 30 mln euro në Portin e Durrësit”/ PD çon në SPAK Belinda Ballukun

Partia Demokratike kallëzon në SPAK ministren e Infrastrukturës, Belinda Balluku, për të paktën 6 vepra penale në lidhje me koncesionin 30 milionë euro të Portit të Durrësit.

Në kallëzim, me përfaqësues Sekretarin e Përgjithshëm Gazment Bardhi, thuhet se është vepruar në shkelje flagrante të ligjit me kalatën e portit duke ia dhënë me koncesion një kompanie të regjistruar në parajsë fiskale, “Hili Company Limited”.

LEXO EDHE  Karantina e emigrantëve para zgjedhjeve, Avokati i Popullit: Anuloni vendimin

Padia gjithashtu përfshin kompaninë koncesionare, si dhe drejtorin e Portit të Durrësit, Pirro Vengu, dhe anëtarët e komisionit të vlerësimit të ofertave.

PD konsideron se ky është rasti ideal që SPAK të sprovohet para qytetarëve, për të treguar me vepra funksionimin e ligjit për këdo që e ka shkelur atë, pavarësisht nëse është i pasur apo me pushtet.