Kurti-Rama takim me dyer të mbyllura në Tiranë

Kryeministri Edi Rama ka zhvilluar një takim me dyer të mbyllura me homologun e tij, Kryeministrin e zgjedhur të Kosovës, Albin Kurtin.

Të dyja palët deri më tani nuk kanë dhënë ndonjë detaj në lidhje me diskutimet e bëra apo me ndonjë reagim në rrjete sociale.

Më herët ditën e sotme Kurti prezantoi kandidadët për deputetë të Vetëvendosjes, për zgjedhjet e 25 Prillit në Shqipëri.

Kryeministri i zgjedhur i Kosovës është në ditën e dytë të vizitës në Shqipëri, ku ditën e djeshme gjatë përkujtimit të Beslidhjes së Lezhës, riktheu në diskursin politik bashkimin kombëtar.

LEXO EDHE  "Spiunët e Rilindjes", si e përdorin drejtuesit e PS programin me të dhënat për 3.5 milion shqiptarë

Pas takimit me kryeministrin Rama, Albin Kurti ka programuar një takim me kryedemokratin Lulzim Basha.

Muaj më parë mes Ramës dhe Kurtit pati një përplasje lidhur me mini-shengenin ballkanik, një nismë kjo e përkrahur nga Kreu i Qeverisë shqiptare dhe Presidenti serb, Aleksandar Vuçiç.