VIDEO/ “Marrsh nga ditët tona”, Ramën e urojnë njëlloj si diktatorin Hoxha. Show me vaksinat vazhdon

Kryeministri Edi Rama vijon të ndjekë procesin e vaksinimit, të cilin po e përdor për shoë dhe propogandë.
E ndërsa në shumë raste procesi nuk niste pa qenë i pranishëm Kryeministri, i cili që prej fillimit të pandemisë shfaqet edhe si krye epidemiolog, në të tjera raste ai shkon si shpërtimtari.

Pamjet që transmetohen janë unikale, pasi nuk ndodhin me asnjë prej homologëve të tij që të shkojnë në qendrat e ngritura të vaksinimit, qofshin në stadium apo pallatet e sportit, për të ndjekur procesin.

Sot Rama u shfaq në një nga qendrat e vaksinimit, ku vijon procesi i vaksinimeve me qytetarët mbi 80 vjeç.

“Marrsh nga ditët tona”, është urimi që Rama merr nga një prej të moshuarve, i cili duket se e sheh Kryeministrin si shpëtimtarin nga virusi që për javë me rradhë po shkakton mijëra të infektuar dhe shumë viktima.

Duket se shprehja “marsh nga ditët tona” e lumturon Kryeministrin, megjithëse aty për aty ia kthen “jo larg qoftë të marr nga ditët tuaja”.

Në fakt Rama prandaj shkon në çdo qendër vaksinimi, ndjehet mirë kur e shohin si shpëtimtarin nga virusi kinez, ndërsa nga mëngjesi në darkë e etiketon veten si lypësin më të mirë në botë, që ka mundur të sjellë vaksinat.

LEXO EDHE  Kryesia e Vatrës në tubimin e PD, Basha: Bashkë do çelim derën e BE-së

Skena që jepen janë të pështira, jo se disa të moshuar, e urojnë Kryeministrin njëlloj si dikur uronin Enver Hoxhën të rronte sa malet dhe të merrte ditë nga jeta e shqiptarëve, por se Rama lumturohet kur sheh me sytë e tij që qofshin edhe këta pensionistë e shohin si Zotin që po i shpëton.

Nëse do të ishte ky shpëtimtari që i pëlqen të shfaqet dhe ta trajtojnë si të tillë, sot situata e pandemisë në vend do të kishte një realitet krejt tjetër. Të paktën pandemia do të ishte nën kontroll, do të dihej një numër real i të infektuarve, i atyre që humbasin jetën për shkak të komplikacioneve të COVID dhe të atyre që trajtohen në banesat e tyre, qoftë edhe duke marrë borxhe.

Ky është realiteti, përtej asaj që i pëlqen të shfaqet Kryeministri, i cili nuk është çudi që të shfaqet edhe si kryevaksinatori dhe të përcaktojë edhe planin në vazhdimësi të vaksinave.