Situata e pandemisë, Çekani e Dasho japin alarmin: Duhen masa urgjente, po shkojmë drejt katastrofës

Mjekja shqiptare në Zvicër, Elona Çekani, në emisionin Tempora u shpreh se situata pandemike në Shqipëri është shumë e rëndë.

Çekani tha se shifrat e infekktimeve dhe numri i lartë i humbjeve të jetëve, e bën situatën alarmante.

“Duhen marrë masa urgjente, duhen shtuar masat”, tha Çekani.

Ndërkohë eksperti i Shëndetit Publik, Dr. Erion Dasho, tha se ajo që po ndodh në Shqipëri është kriminale.

“Ka dy javë që s´ka teste. Në Gjermani testi i shpejtë në farmaci shitet me 4 ose 5 euro, ndërsa në Shqipëri farmacisti e ble nga spekulantët që rrijnë rrotull Ministrisë së Shëndetësisë apo Komitetit Teknik, me 25 euro. Në Shqipëri bëhen 3000 teste, ndërkohë që duhej të bëheshin sot minimalisht 15 mijë teste. Jemi në fazë alarmante, pasi sot thuhet se kanë vdekur 20 qytetarë, por koeficenti i mashtrimit të rasteve të vdekjeve është 1 me 5”, tha Dashi në emisionin Tempora.

LEXO EDHE  Arrestohet ish-zyrtarja e Ministrisë së Brendshme në Serbi, policia kontroll në banesë

Ai kërkoi marrjen e masave urgjente lidhur me pandeminë, përfshi edhe shtimin e masave që jo domosdoshmërisht duhet të jetë “lock down”.

“Duhen marrë masa inteligjente, duhen shtuar testimet. Duhen gjurmuar kontaktet dhe më pas trajtuar të prekurit nga Covid”, tha Dasho.