Dy infermierë kanë ndërruar jetë ditën e sotme nga koronavirusi.
Njoftimi i trishtë është bërë nga Shoqata e Infermierëve të Shqipërisë përmes postimeve në faqen zyrtare. Viktimat janë Nerim Vaçi infermier në Mat dhe Eriola, një infermiere nga Lushnja.
“Si pasojë e Covid-19, ditën e sotme është ndarë nga jeta një infermier nga Mati Nerim Vaçi. Shoqata e Infermiereve i shpreh ngushëllime familjes dhe kolegeve” ishte njoftimi i parë nga shoqata.
Por pa kaluar shumë minuta, shoqata bëri një tjetër njoftim për një tjetër humbje nga bluzat e bardha. “Sërisht humbje jete mes Infermierëve nga covid-19. Infermierja nga Lushnja ka ndërruar jetë pas betejës me këtë sëmundje. Shoqata e Infermiereve i shpreh ngushellime familjes së Erjolës dhe kolegëve të saj”, thuhet në njoftim.
Në luftën me koronavirusin prej marsit të kaluar kanë humbur jetën shumë mjekë dhe infermierë. Në të gjithë vendin sot u shënuan 19 viktima dhe 892 raste të reja me COVID-19.
