‘Topi i zjarrtë’ mbi Kanada/ Drita e pazakontë në qiell habit frikësojnë qytetarët (Video)

Një top i madh i zjarrtë ka ndriçuar qiellin mbi Alberta të Kanadasë, duke i lënë të çuditur banorët e atjeshëm.

Megjithatë, ekspertët thonë se nuk ka arsye për brenga – pasi që bëhet fjalë për një meteor ndriçues.

Kamerat e sigurisë në rajonin e Kalgari, kanë kapur momentin kur një dritë e pazakontë ndriçon qiellin rreth orës 6:30. E dëshmitarë të kësaj skene ishin banorët e Edmontoën dhe Saskachevan.

Ekspertët e meteorëve kanë publikuar pamjet e topit të zjarrtë – duke shpjeguar se bëhet fjalë për një meteor ndriçues që është futur në atmosferën e Tokës.

LEXO EDHE  Kërkohet ndryshimi i emrit të Zelandës së Re

Deri më tani nuk dihet nëse pjesë të këtij meteori kanë rënë në tokë, ndërsa mbi 300 njerëz kanë raportuar autoritetet përkatëse për atë se çfarë kishin parë – duke besuar fillimisht se bëhet fjalë për sulm bërthamor.

“Për një moment mendova se bëhet fjalë për ndonjë raketë bërthamore apo diçka që e ka krijuar njeriu”, ka thënë një dëshmitar që është identifikuar si Chris.