Këshilltari gjerman, Martin Henze, ka reaguar në një postim të Kryeministrit Edi Rama lidhur me vleresimin e Ardian Dvroranit nga Departamenti Amerikan i Shtetit.
“Miku im, për cilin rezultat të reformës po flet? Llogaritë e tua në Turqi apo llogaritë interesante në BitCoin?
Çfarë bën kur t’i fshijnë këto llogari?
Kush i ka dhënë lejet e mëdha të ndërtimit 8 vitet e fundit?”, shkruan Martin Henze në komentin e tij drejtuar Edi Ramës.
Dekorimi i Dvoranit nga DASH ka shkaktuar debate të shumta në politikën shqiptare. Kryeministri Edi Rama nxitoi ta përkthejë këtë vlerësim të DASH si një inkurajim ndaj atyre që luftojnë reformën në drejtësi.
“Vlerësimi i lartë i Sekretarit të ri të Shtetit për Ardian Dvoranin,është një inkurajim i jashtëzakonshëm për të gjithë ata që luftojnë për Reformën në Drejtësi në këtë fazë kacafytjeje me të Keqen ku ka hyrë reforma dhe një riafirmim i angazhimit të SHBA në luftën për Reformën!”, shkruante Rama.
