Rëndohet gjendja shëndetësore e të shtruarve me covid në spitalin e Shkodrës. 3 pacientë të prekur me Covid ndodhen të intubuar në repartin e reanimacionit në Shkodër.
Pacientët e intubuar janë në gjendje të rëndë dhe për shkak të sëmundjeve bashkëshoqëruese.
Veç të intubuarve, 9 pacientë janë në terapi intensive po në reanimacion. 7 të infektuar të tjerë po marrin oksigjen pasi kanë dëmtime në mushkëri.
Nga ana tjetër situata mbetet shqetësuese edhe në Elbasan. 17 ka shkuar numri i të infektuarve që po marrin trajtim në këtë spital. 2 prej tyre janë në terapi intensive pasi mbrëmjen e djeshme kanë shfaqur probleme.
Pavioni me 81 shtretër në Elbasan i përshtatur për të prekurit nga virusi u hap vetëm 4 ditë më parë.
Nga dita në ditë po vërehet një numër në rritje i personave në gjendje të rëndë që kanë nevojë për shërbim në spital. Sakaq në Durrës është ulur numri i të shtruarve me Covid.
Aktualisht në këtë spital po marrin shërbim mjekësore 65 të infektuar. Rënia e shtrimeve lidhet me faktin se po përzgjidhen ata persona që kanë më shumë nevojë.
Burimet tregojnë se ditët e mëparshme në këtë spital janë shtruar dhe persona që kanë pasur nevojë për shërbim ambulatori.
Por në momentin që u tejkaluan kapacitetet, po pranohen vetëm ata në gjendje më të rëndë. /abcnews.al/
DENONCO