Zgjedhjet/ Duka e thotë hapur: Nëse s´jam i dyti në listën e Durrësit, rri në shtëpi

Partia Demokratike dhe aleatët e saj mbyllën dje marrëveshjen lidhur me përfshirjen në një koalicion, por vijojnë bisedimet lidhur me renditjen e kandidatëve të tyre në listat për deputet.

Por, kreu i Partisë Agrare Ambientaliste, Agron Duka, ka zgjedhur të tregojë se ka përmbyllur bisedimet me Lulzim Bashën edhe për renditjen e emrit të tij në listën e kandidatëve për qarkun e Durrësit.

Ai thotë se ka negociuar me Bashën prej një muaji që do të jetë i dyti në Durrës, ndërkohë që të tjerët kanë për të negociuar deri në datë 6 mars.

LEXO EDHE  Sa shanse ka për bashkëqeverisje Rama-Basha? Ja çfarë thotë kreu i PD

“PJESË E ALEANCES SE NDRYSHIMIT. PARTIA AGRARE AMBIENTALISTE”….. Kam negociuar për vendin e dytë. Nëse nuk e marr, nuk kam për të vrarë njeri.

Por nëse nuk jam i dyti në Durrës, nuk dal kundër opozitës, nuk bëhem me Ramën por rri në shtëpinë time.

Ka një muaj që Basha më ka komunikuar që do jem i dyti në Durrës. Të tjerët kanë për të negociuar deri më datë 6 dhe gjithsecili ka qenë në merak të vendit të vet”, shkruan Duka.