Belind Këlliçi, një prej drejtuesve politikë të PD në qarkun e Tiranës, ka vijuar takimet në kuadrin e zgjedhjeve të 25 prillit, me banorë të Unazës së Re.
Këlliçi solli në vëmendje mungesën e çerdheve, kopshteve dhe shkollave për rreth 50 mijë banorët e kësaj zone.
“Këtu nuk ka një qendër shendëtësore”, u shpreh ai, duke i dhënë zë shqetësimit të banorëve për mungesën e infrastrukturës qytetëse.
Sipas Këlliçit, qendra e vogël shëndetësore, e denjë për një fshat dhe jo për 50 mijë banorë, u zhvendos mbi 1 kilometër larg zonës, aty ku nuk i shërben kërkujt. Për Belind Këlliçin, kjo është një goditje e orkestruar nga Rama dhe Veliaj, si kundërpërgjigje ndaj protestave të banorëve për projektin e Unazës së Re.
“Dyshja Rama-Veliaj e ka lënë Shqipërinë në vendnumëro. Ata nuk kanë asnjë bilanc”, tha ai, duke kërkuar largimin e tyre më 25 prill.
