Spitali i Gjirokastrës “Omer Nishani” ka mbetur pa mjek infeksionist, ndërsa situata mbetet e vështirë në këto kohë pandemie.
U bënë 6 muaj që në spitalin e Gjirokastrës mungon mjeku infeksionist, që pas daljes në pension të mjekut i cili shërbente ne spital.
Të gjithë pacientët që duan të marrin kujdesin e mjekut i drejtohen mjekut që është në pension, pasi ende nuk ka mbërritur nga Ministria e Shëndetësisë një specialit në këtë profil.
Një tjetër problem shumë shqetësues për të gjithë banorët e qytetit të Gjirokastrës, të cilët i drejtohen spitalit rajonal është edhe mungesa e bërjes së disa analizave. Kjo detyron dhjetra pacientë në këtë situatë pandemie t’i drejtohen laboratorëve privatë.
Pak kohë më parë në spital u hap një pavijon i veçantë për të pritur pacientët me covid, por ky pavijon nuk ka asgjë tjetër përveç bombolës së oksigjenit.
“Këtu nuk bëhet analizë në shtet,” thotë një paciente.
“E kemi bërë në shtet analizën edhe nuk na hyri në punë fare. Këtu në klinikën private janë të shtrenjta,” thotë një paciente tjetër.
“Nuk them se jemi shumë mirë, por jemi mirë përsa i përket të gjitha ekzaminimeve që bëjmë .
Ne e kemi hapur repartin infektiv për shërbimin e Covid. Nuk kemi sistem oksigjeni, por e përballojmë me bombola,” thotë drejtori i spitalit Roland Karalli.
/Ora News/
DENONCO