Një aksident ka ndodhur në lagjen 13 Durrës, ku një motocikletë ka përplasur një të moshuar, ndërsa drejtuesi është larguar nga vendngjarja.
Burimet zyrtare bëjnë me dije se drejtuesi i mjetit i identifikuar me inicialet F.T 21-vjeç ka përplasur 72-vjeçaren e identifikuar me inicialet H.Xh dhe është larguar nga vendi i ngjarjes.
Bëhet me dije se e moshuara ndodhet nën kujdesin e mjekëve dhe jashtë rrezikut për jetën.
Ndërkohë pas ngjarjes është bërë i mundur identifikimi dhe shoqërimi i të riut.
Njoftimi i policisë:
Durrës/Informacion paraprak
Më datë 23.02.2021, në orën 13:45, në lagjen nr.13, Durrës, një motoçikletë me drejtues shtetasin F. T., 21 vjeç, ka goditur dhe është larguar nga vendngjarja, shtetasen H. Xh., 72 vjeçe, e cila ndodhet nën kujdesin e mjekëve, jashtë rrezikut për jetën.
Shërbimet e Policisë pasi kanë bërë të mundur kapjen e drejtuesit të motoçikletës, kanë shoqëruar shtetasin F. T., në ambientet e Policisë për veprime të mëtejshme.
Grupi hetimor ndodhet vendngjarje dhe po punon për zbardhjen e rrethanave të aksidentit.
