Nënkryetari i PD-së, Edi Paloka, drejtues politik i kësaj partie në qarkun e Durrësit, u shpreh sot gjatë një takimi me banorë të zonës së Kënetës, se në 25 prill shqiptarët duhet të ndëshkojnë me votë Edi Ramën dhe qeverinë e Rilindjes, që kanë 8 vite që vetëm mashtrojnë dhe varfërojnë shqiptarët.
“Në 25 Prill jemi përballë me një qeveri që praktikisht ka dështuar në gjithçka. Nuk ka nevojë t’jua tregoj, sepse më shumë sesa ju, nuk e ka ndjerë askush tjetër dështimin dhe pasojat e një keq-qeverisje si kjo e Ramës. Në 8-të vite mendoi vetëm për xhepat tij”, tha Paloka.
Sipas tij, 8 vitet në pushtet i shërbyen vetëm Rilindasve për të shumëfishuar pasuritë, ndërkohë që shqiptarët i varfëruan.
“Dështuan në gjithçka. Ky 8 vjeçar shërbeu për pasurimin e Elisa Spiropalit apo Taulant Ballës, pasi vështirë që sot të gjejmë shqiptarë, demokratë jo e jo, por edhe socialistë, që t´i besojnë ende Edi Ramës.
Por a mjafton vetëm mllefi ndaj kësaj qeverie? Jo, pasi ne duhet të zgjidhim problemet që ato kanë shkaktuar dhe zgjidhjen e problemeve e garanton programi i PD, i hartuar jo vetëm nga ekspertët më të mirë, por edhe me asistencën e CDU gjermane”, tha Paloka.
DENONCO