VIDEO/ Katër persona të maskuar mësyjnë me armë në lokal dhe rrahin të riun

Një ngjarje e rëndë ka ndodhur dy ditë më parë në një lokal në Krujë. Syri Televizion ka publikuar videon e dhunës barbare që katër persona të maskuar dhe me armë kanë ushtruar ndaj një të riu. Ngjarja ka ndodhur në një lokal pranë stacionit të policisë në Krujë.

Katër persona të maskuar dhe me armë, kanë hyrë në një lokal. Nën kërcënimin e armëve ata u kanë kërkuar fillimisht klientëve të lokalit të mos lëvizin, dhe më pas kanë tërhequr një të ri në mesin e lokalit duke e rrahur barbarisht me shkop. Pasi e kanë qëlluar disa herë dhe kërcënuar të riun në sy të klientëve, personat e maskuar janë larguar nga lokali.

LEXO EDHE  U kishin premtuar Europën për 1000 euro, arrestohen trafikantët me 27 klandestinë

Për këtë ngjarje ende nuk ka asnjë reagim zyrtar nga policia e Krujës. Ndërkohë i riu i dhunuar ka marrë mjekim në spital, pasi ka pasur lëndime të shumta në trup.