Enver Dondollaku, i cilësuar numri 2 i “Bandës së Lushnjës” ka kallëzuar në SPAK Gjyqtaren e Elbasanit Miranda Konica për veprën penale të “shpërdorimit të detyrës” si dhe Kryesekretaren e gjykatës për veprën penale të “Falsifikimit të dokumentave”.
Kështu, Enver Dondollaku, më datë 13 Janar 2021, nëpërmjet mbrojtësit të tij Av. Arbër Hoxha i është drejtuar Gjykatës së Rrethit Gjyqësor Elbasan, me kërkesë për lirimin e apartamentit të prindërve të tij, e bllokuar me një shkresë të ish-Prokurorisë së Krimeve të Rënda që në vitin 2012.
Sipas kallëzimit, vetëm dy ditë më vonë, më datë 15 Janar 2021, Gjyqtaria Miranda Koleci “nuk ka respektuar parashikimet e Nenit 471/4 të K.Pr. Penale ku seanca zhvillohet me pjesëmarrjen e detyrueshme të Prokurorit dhe të mbrojtësit, pa asnjë njoftim paraprak apo përfundimtar për seancën gjyqësore, duke u zhvilluar në dhomë keshillimi dhe vendosur moskompetencën e Gjykatës Elbasan”. Në këto kushte, sipas kallëzimit, kjo gjyqtare ka shkelur ligjin procedurial penal dhe ka shpërdoruar haptazi detyrën.
Pavarësisht vendqëndrimit të ditur në IEVP Peqin të të dënuarit Dondollaku dhe të selisë së Avokatit Hoxha, vendimi nuk u është komunikuar palëve, duke u falsifikuar aktet nga ana e Kryesekretarise dhe duke i dhënë atij formë të prerë, pretendohet në kallëzim.
Këto veprime të “organizuara të Gjyqtares Konica dhe të Kryesekretarise së Gjykatës Elbasan”, pretendohet se janë të orkestruara nga segmente të caktuar të njohur si kundërshtarë të Enver Dondollakut dhe të ish “Bandës së Lushnjës”.
