Llatja i Elbasanit “zhduk” Covidin, 33 mln lekë për festimet e Ditës së Verës

Nga Boldnews.al

Elbasani, i cilësuar si “kryeqyteti” i Shqipërisë më 14 mars, do të vijojë të festojë Ditën e Verës. Megjithëse në Shqipëri janë në fuqi rregulla strikte për tubime dhe mbledhje, Gledjan Llatja, ka “sfiduar” ekspertët, duke vijuar traditën e Ditës së Verës.

Çdo vit, në Elbasan festohet kjo ditë, e cila shënon në kalendar ditën e parë të verës në Shqipëri. Qindra mijëra njerëz mblidhen në Elbasan më 14 mars, nga e gjithë Shqipëria apo edhe nga trojet shqiptare. Këtë vit, janë në fuqi disa masa ekstreme si pasojë e Covid 19.

Janë gjobitur deputetë dhe ish deputetë, kryesisht të opozitës, për shkak se kanë mbledhur disa njerëz në lokale. “Fushata” elektorale e Rilindjes është përqëndruar te krerët e bashkive apo vizitat e Ramës dhe ministrave në disa punë publike.

Tao Tao, në bashkëpunim me kreun e Bashkisë së Elbasanit, Gledjan Llatja, do e shfrytëzojnë edhe këtë ditë për të bërë fushatë. Sipas dokumenteve që disponon BoldNews, Bashkia e Elbasanit ka hapur një tender me vlerë 33 milionë lekë të vjetra për të zbukuruar qytetin për Ditën e Verës.

LEXO EDHE  VIDEO/ Basha apel qytetarëve: Ndryshimi në dorën tuaj, ngrihuni

Objekti i tenderit është furnizim dhe vendosje elementësh dekorativë për Ditën e Verës. Llatja ka akorduar 3,333,333 lekë të vjetra, ndërsa tenderi do të zhvillohet në datën 1 mars. Fituesi ka vetëm 3 ditë kohë për materialet. Nisur edhe nga specifikimet teknike, duket se Llatja dhe Balla e kanë paracaktuar fituesin, pasi i kërkojnë me urgjencë këto zbukurime. BoldNews ka siguruar edhe dokumentet shoqëruese, të cilat janë lule plastike që do të vendosen në të gjithë Elbasanin.

Me këto zbukurime, Llatja dhe Balla kanë ftuar indirekt elbasanllinjtë, por jo vetëm, për të dalë në “miting”. Dhe, duke sfiduar hapur masat ekstreme të komitetit të ekspertëve, të cilët kanë ndaluar çdo aktivitet apo mbledhje me shumë persona.

Po Llatja dhe Balla a do të gjobiten?