Një dekret i guvernatorit të Vatikanit thotë se vaksina është “zgjedhja e përgjegjshme” pasi ekziston rreziku i infektimit dhe dëmtimit të njerëzve të tjerë.
Vatikani ka paralajmëruar zyrtarët e tij se ata rrezikojnë të humbasin vendin e punës nëse refuzojnë të vaksinohen kundër COVID-19 pa patur një arsye serioze shëndetësore.
Qyteti i Vatikanit, i cili mbulon një sipërfaqe prej rreth 0.44 km katrorë është shteti më i vogël në botë dhe ka disa mijëra të punësuar, shumica e të cilëve jetojnë në Itali. Programi i tij i vaksinimit filloi muajin e kaluar dhe Papa Françesku , 84 vjeç, ishte ndër të parët që mori vaksinën.
Dekreti me shtatë faqe parashikon që ata që nuk mund të vaksinohen për arsye shëndetësore mund të transferohen në një post tjetër, ku supozohet se do të kenë kontakt me më pak njerëz, por do të marrin të njëjtën page.
Dekreti, megjithatë, përcakton që ata të cilët refuzojnë të marrin vaksinën pa ndonjë arsye të fortë do t’i nënshtrohen një dispozite të veçantë të një ligji 2011 lidhur me të drejtat dhe detyrimet e punëtorëve.
Ky nen në ligjin e vitit 2011 përcakton se punonjësit që refuzojnë ” masat paraprake ” ka të ngjarë t’i nënshtrohen ” pasojave të shkallëve të ndryshme që mund të çojnë në pushime nga puna”.
Dekreti u nënshkrua në 8 shkurt dhe më pas u postua në faqen e internetit të qeverisë.
