1124 qytetarë janë gjobitur nga policia, pasi nuk mbanin maskë, apo kanë shkelur orën policore. Brenda 1 dite janë gjobitur me 3 mijë lekë 916 persona për shkak se refuzonin të mbanin maskë.
Edhe 6 biznese që qëndronin hapur u është vendosur gjobë prej 1 milion lek të reja.
Shoferët– Shërbimet e Policisë Rrugore kanë ndëshkuar me të njëjtën masë administrative, 187 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskat mbrojtëse.
Të Shoqëruar– Gjatë këtyre kontrolleve janë shoqëruar në ambientet e Policisë, 6 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative dhe janë lënë të lirë.
Bizneset– Për administratorët e 6 subjekteve që janë konstatuar duke ushtruar aktivitetin në kundërshtim me protokollet e sigurisë është vendosur masa administrative 1.000.000 lekë.
Ora Policore– Gjithashtu, në të gjithë vendin janë ndëshkuar me masë administrative 10.000 lekë, 15 shtetas që janë konstatuar duke lëvizur në këmbë pas orës 20:00.
