Nga Boldnews.al
Një firmë grekë do të afishojë listat e zgjedhësve dhe posterat informues për zgjedhjet e 25 prillit në Shqipëri. Po nëse do të ishte e kundërta, një firmë shqiptare të bënte listat dhe të informonte grekët, si do të pritej?
Komisioni Qendror i Zgjedhjeve ka përfunduar para pak ditësh tenderin me objekt “prodhim, montim, afishim për materialet promocionale, informuese dhe edukuese”.
Afati për këtë tender ka qenë 74 ditë, pra ditët e mbetura deri më 25 prill. Në tender kanë marrë pjesë dy kompani, grekët e “OGILVY” me ofertë 18.290.833 lekë të rinj dhe “On Time Concept Albania Communication Service” me ofertë 18.370.000 lekë. Fitues u shpallën grekët e “OGILVY”.
Natyrisht, sipas dokumenteve që disponon BoldNeës, procedurat e tenderit duken deri diku normale. Por, ajo që bie në sy është pikërisht origjina e fituesit.
Sipas Qendrës Kombëtare të Biznesit, kompania “OGILVY” e themeluar në vitin 2005, ka si aksioner z.Konstantinos Panagiotopoulos (49 %) dhe kompaninë “BOLD OGILVY & MATHER S.A” (51 %). Nga një vëzhgim i thjeshtë rezulton se të dy aksionarët janë me origjinë grekë. Asgjë personale me askënd, as me individin as me firmën. Por, nëse do të marrim një shembull, ku një firmë shqiptare të fitonte të drejtën e informimit dhe të bënte listat e zgjedhësve në Greqi, si do të pritej? Normalisht, aspak mirë!
Komisioni Qendror i kërkon firmës grekë që të bëjë postera informim/sensibilizim i shtetasve mbi listën e zgjedhësve dhe qendrën e votimit. Do të bëjë 11 mijë postera të zgjedhësve mbi procedurat e identifikimit në procesin e votimit, postera të zgjedhësve mbi mënyrën e votimit, postera sensibilizim i votuesve për herë të parë (3 spote), për sensibilizimin e grave.
Madje, edhe do të informojë zgjedhësit dhe subjektet zgjedhorë mbi shkeljet dhe veprat penale gjatë procesit zgjedhor. Gjithashtu edhe postera për financimin e partive politike dhe zbatimi legjislacionit, për informimin emigrantëve, procedurat e regjistrimit për të votuar si dhe mënyra e votimit. KQZ i ka kërkuar firmës edhe postera ne gjuhen e pakicave kombëtare, postera format B 2 në gjuhën greke, letër me lustër. E shumë e shumë postera (lista bashkangjitur).
