LSI denoncoi sot një skandal, ku një i dënuar për vepra të rënda penale, rivlerëson banesat e dëmtuara nga tërmeti në Bashkinë e Vorës.
“Durim Ibrahimi i emëruar në postin e këshilltarit të kryetarit të bashkisë së Vorës, rezulton person i dënuar me vendimin penal të formës së prerë numër 24/46, datë 21.09.2017 për veprën penale ”Prodhim dhe mbajtje pa leje të armëve luftarake””, tha Vojo Bregu, kreu i LSI Vorë.
Sipas tij, Ibrahimi është caktuar nga kryetari i Bashkisë së Vorës, Gentian Picari, dhe si anëtar i komisionit të rivlerësimit të dëmeve nga tërmeti.
“Jo vetëm shkel ligjin duke marrë një funksion publik por ka dhe kompetencën të vlerësojë dhe rivlerësojë dëmet e shkaktuara nga tërmeti i 26 nëntorit”, tha më tej Bregu.
Teksa i bën thirrje SPAK-ut që të nis hetimet për këtë skandal, jep mesazhin që më 25 prill shqiptarët duhet të votojnë për të larguar nga karriget e pushtetit këtë bandë kriminale që i diferencon qytetarët sipas teserës dhe lidhjes farefisnore.
