Problemet nuk kanë fund për Tiranën. Për të mos mjaftuar rezultatet negative në fushën e lojës, tashmë bardheblutë kanë mësuar se mbrojtësi maqedonas, Filip Najdovski ka rezultuar pozitiv me koronavirus.
Ai ka qenë në Maqedoni gjatë këtyre ditëve dhe pritej të grumbullohej me ekipin kombëtar, por pas testimeve ka rezultuar se është infektuar me koronavirus.
Rrjedhimisht Najdovski humb ndeshjen me Teutën dhe për të paktën 2 javët e ardhshme nuk do të jetë të dispozicion të trajnerit Orges Shehi.
Kujtojmë, se edhe tekniku i bardhebluve është izoluar së fundmi pasi dyshohet se mund të jetë infektuar me virusin që ka trazuar gjithë globin./Panoramasport
