Kryeministri Edi Rama i është rikthyer debateve në rrjetet sociale me ndjekësit e tij, ndërsa ata i kërkojnë të lerë spektaklin lidhur me rindërtimin dhe të fokusohet te puna.
Rama shkruan se qeveria po bën punën e saj duke informuar edhe qytetarët për shtëpitë e ndërtuara. “Punën duhet të bëjnë të gjitha qeverisë se vezët e kuqe i bën vetë për pashkë ti. Dhe puna jonë është edhe të të informojmë ty për punën që bëjmë se ndryshe se merr vesh që po rindërtohen shtëpi e po bëhen spitale, shkolla, rrugë dhe që vaksinimi po ecën etj, etj”, shkruan Rama.
Debati
Qytetari: Pse nuk i lini këto spektakle? Pse nuk bëni punën tuaj dhe boll me telekamera
Edi Rama: Punën duhet të bëjnë të gjitha qeverisë se vezët e kuqe i bën vetë për pashkë ti. Dhe puna jonë është edhe të të informojmë ty për punën që bëjmë se ndryshe se merr vesh që po rindërtohen shtëpi e po bëhen spitale, shkolla, rrugë dhe që vaksinimi po ecën etj, etj.
Sepse në kanalet dhe portalet e këtij vendi trecereku i gjërave që të fusin në vesh janë rrena me bisht. Por ti e ke shumë kollaj nëse nuk i do spektaklet sic i quan, mund të dalësh lirisht sa c’ke hyrë se me zor largqoftë të të mbajë kush.
