Gjatë mbledhjes së sotme, Këshilli i Lartë i Prokurorisë, caktoi për një periudhë 3 mujore Lazër Çardakun si drejtues të Prokurorisë pranë Gjykatës së Apelit Shkodër.
Ndërkohë, KLP caktoi përkohësisht Ollga Visin në pozicionin e Prokurorit të Prokurorisë pranë Gjykatës së Apelit Korçë si dhe caktoi si të përkohshëm në pozicionin e drejtuesit të Prokurorisë së Pogradecit, Dorina Bejkon.
Sakaq, përkohësisht drejtimin e Prokurorisë pranë Gjykatës së Shkallës së Parë Gjirokastër e ka marrë Julian Çafka.
Pak javë më parë KLP u plotësua me 2 anëtarët e rinj.
Ky vendim u mor pas zgjedhjeve në mbledhjen e përgjithshme të prokurorëve pas vakancave të shkaktuara nga largimet në procesin e Vetingut.
