Pas debatit në distancë mes Andrea Agnellit dhe Antonio Contes të martën e kaluar në sfidën e Kupës së Italisë Juventus-Inter, drejtuesit e bardhezinjve janë bërë sërish protagonistë këtë fundjavë në Napoli.
Kamerat e stadiumit “Diego Armando Maradona” fokusuan dyshen Pavel Nedved dhe Fabio Paratici të shpërthenin ashpër ndaj arbitrit të ndeshjes Napoli-Juventus, në momentin e një dyshimi për faull nga ana e anësorit të vendasve, Di Lorenzo.
Ky i fundit ishte ndëshkuar njëherë me karton të verdhë dhe drejtuesit e bardhezinjve, por edhe pankina, reaguan ashpër duke kërkuar kartonin e dytë të verdhë për anësorin e Napolit, megjithatë arbitri nuk u ndikua aspak.
“Turp Calvarese, turp të të vijë. Si dreqin nuk e ndëshkon me karton”, dëgjohet të thërrasin me zë të lartë dy drejtuesit e Juves nga tribuna e stadiumit në Napoli.
Sto soffocando. pic.twitter.com/nadmiaX41z
— Alessandro (@90ordnasselA) February 14, 2021
