Basha i bllokuar rrugës për në Shkodër: Përgjegjësi e qeverisë, ka dështuar në marrjen e masave

Teksa ka udhëtuar nga Lezha për në Shkodër ku dhe ka mbetur i bllokuar, Basha deklaroi  se nuk ka parë asnjë borëpastruese dhe Shqipëria është e bllokuar.

Kryedemokrati Lulzim Basha në një lidhje me TV News 24 bëri apel qeverisë të ndërhyjë për të ndihmuar banorët në zonat e izoluara nga reshjet e dëborës si dhe në ato zona ku shirat e ditëve të fundit ka  pasur përmbytje. Sipas Bashës qeveria ka dështuar dhe situata zgjidhet nëse merren masat paraprake.

“Prej disa orësh jam i bllokuar në rrugë dhe situata paraqitet e vështirë. Situata zgjidhet duke marrë masat paraprake.
Reshjet e dëborës dhe ngricat priteshin prej ditësh dhe duhet të ishin marrë masat”, – tha Basha.

Sipas kreut të PD, gjatë rrugës për Lezhë dhe Shkodër nuk janë parë borëpastruese.

“Ambulanca dhe automjete private të bllokuara rrugës, pa ndihmë. Qytetarët e bllokuar anembanë Shqipërisë, të braktisur. Qeveria ka dështuar turpshëm për t’ju qëndruar pranë banorëve”, – deklaroi Basha ndërsa gjendej i bllokuar rrugës për në Shkodër

LEXO EDHE  Alizoti: Do e përjashtoja Berishën njësoj si Basha, por më pas do jepja dorëheqjen

Sipas bashës kjo situatë ishte e pritshme dhe e paralajmëruar ditë më parë.

Shqipëria ashtu si ka mbetur sot e bllokuar në dëborë është e bllokuar prej vitesh. Ai tha se ata qe kanë marër paratë e shqiptarëve, urgjentisht t’u vijnë në ndihmë automjeteve të bllokuara nga dëbora dhe qeveri atë mos rri duarkryq.

Koncesionarët tha Basha marrin paratë dhe nuk bëjnë punën, por përgjegjësia është e qeverisë e cila duhet t’i kontrollojë ato kompani. Ai tha se kompanitë i kanë marrë paratë dhe puna nuk është bërë.

Basha thotë se në këto moment qeveria nuk dihet ku është, po kështu dhe kompania që duhet të hedh kripë në rrugë dhe të dërgoi borëpastruese.

Ndërkohë deklaroi se është 7-8 km në drejtim të Lezhës dhe tha se po mundohet të shojh për një rrugë alternative për të arritur në Shkodër.